Tamil stories Read online

 ❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️ மழை... என் மனமெங்கும் மண் வாசனையோடு உன்  வாசம்  நிரப்பிச் செல்கிறது.. ******************************************************** என் மனப்பெட்டகத்தின் முப்பது வருட  நினைவுகளுக்கு  மூன்றே  நிமிடங்களில் மூடுவிழா நிகழ்த்தி மனம் முழுதும் உன்னை  நிரப்பிவிட்டாய்...   நினைவு தப்பிய  நீர்ப்பரவையாய்  காதல் கடலில்,  இவன்.. காதல் பித்தன்.. ################*****************############# என் வீட்டு  கண்ணாடி காட்டிவிடாத என்னை கண்டுகொண்டேன்  உன் கண்களில்.. கர்வம் கொண்டேன் உன் அண்மையில்..  ********************************************************* சாரலாய் என்னுள் சங்கமித்திருக்கும்  உன் நினைவுகளுக்கும் புயலாய் எனை புரட்டி கலங்கடிக்கும் நிஜத்திற்க்கும் இடையே நிழல் இல்லா  நிஜமாய் நான்.. ********************************************************** அகம் நுழைந்திட்ட   அழகிய தீயே.. நீ முடிவு என்றுரைத்த முற்றுப்புள்ளியும் மூன்று புள்ளிகளாய்  முன் நிற்குதடி... என்னை விட்டு நீங...

  ‘கடவுளைப் பார்க்கவேண்டும்’ என்று விரும்பினான் ஒருவன்.  அவனை சந்தித்த ஞானி ஒருவர், "கடவுளைப் பார்ப்பது இருக்கட்டும். முன்னதாக கடலைப் பார்க்கலாம் வா!" என்று அழைத்துச் சென்றார்.  இருவரும் கடற்கரையை அடைந்ததும், ஞானி ஒரு கதை கூறினார்: "இந்தக் கடலில் வசிக்கும் ஒரு மீனுக்கு, ‘கடல் எங்கே இருக்கிறது?’ என்று அறிய ஆவல். பலரையும் கேட்டுப் பார்த்தது. ‘நாங்களும் கேள்விப்பட்டிருக்கிறோம்; ஆனால் அது எங்கே இருக்கிறது என்றுதான் தெரியவில்லை’ என்றே பதில் வந்தது. " ஏமாற்றத்துடன் அங்குமிங்கும் அலைந்துகொண்டு இருந்த மீனின் எதிரில், வேறொரு பெரிய மீன் வந்தது. பார்ப்பதற்கு கொஞ்சம் அனுபவசாலி போலத் தோன்றியதால், அந்தப் பெரிய மீனிடமும் தனது கேள்வியைக் கேட்டது சிறிய மீன்.  "சற்றே யோசித்த பெரிய மீன், ‘நீ அங்கேதான் பிறந்தாய்; அங்கேதான் வளர்கிறாய்; அங்கேதான் மறையப் போகிறாய்!’ என்றது. இந்த பதிலில் திருப்தி இல்லாத சிறிய மீன் மீண்டும் ‘சரி, அது எங்கே இருக்கிறது?’ கேட்டது: " ‘அது தெரியாது!’ என்ற பெரிய மீன், அங்கிருந்து நழுவியது.  இனி, யாரைக் கேட்கலாம் என்று சிந்தித்தபடி நீந்திய அந்த மீன் எதிர்...

வீழ்வேன் என்று நினைத்தாயோ? (#சிறுகதை)  நன்றி : தென்றல் .G “ ஹலோ சக்தி.. பஸ் வந்துடுச்சு.. நீங்க எங்க இருக்கீங்க.. சீக்கிரம் வாங்க..” என்று சக்தியிடம் பேசியவாறே “ அண்ணா.. ரெண்டு நிமிஷம் வெயிட் பண்ணுங்க.... சக்தி மேடம் வந்துடுவாங்க...” என்ற ஓட்டுனரை கேட்டுக்கொண்டான் .  “ இதோ வந்துட்டேன் விஷ்ணு.. “ என்று போன் கால் துண்டித்து அவன் முன்னாடி நின்று “ காலை வணக்கம் தோழரே!..” புன்னகைத்தாள் சக்தி..  “காலை வணக்கம் சக்தி.. என்ன ஆச்சி.. எப்பவும் சீக்கிரமா வந்துடுவீங்க.. இன்னிக்கு லேட் ஆயிடுச்சு.. சரி.. உக்காருங்க.. “ என்று அவன் பின் இருக்கையில் இருந்த அவனது பையை எடுத்தான் விஷ்ணு..  “ ஆமா விஷ்ணு.. கோகுல் க்கு உடம்பு சரியில்ல.. எங்கயும் போக கூடாதுன்னு ஒரே அழுகை.. அம்மாகிட்ட சமாதனம் பண்ணி விட்டுட்டு வரதுக்குள்ள லேட் ஆயிடுச்சு.. சுரேஷ் எங்க காணோம்.. இன்னிக்கும் லேட்டா? ரன்னிங்ல தான் ஹீரோ என்ட்ரி குடுப்பரோ? “ ன்னு கேட்டுட்டு இருக்கும் போதே சுரேஷ் என்ட்ரி..  “ என்ன .. என் பேர் அடி படுற மாறி இருக்கு.. “ ன்னு கேட்டுக்கொண்டே “ என்னடா விஷ்ணு.. பஸ் இன்னிக்கு லேட்டா.. இல்லை நான் சீக்க...

இருக்க கூடாத இடமாற்றம் - திரு. தென்கச்சி கோ சுவாமிநாதன் தத்துவப் பேராசிரியர் ஒருவர், அதிகாலையில் வாக்கிங் செல்வது வழக்கம்.  தினமும் ஒரு மணி நேர நடைப் பயிற்சிக்குப் பின், சிறிது நேரம் ஓய்வெடுத்துவிட்டு அன்றாடப் பணிகளில் ஈடுபடுவார்.  அன்றும் வழக்கம் போல் கையில் ஊன்று கோலுடன் கிளம்பியவர், வாக்கிங் முடித்து வீட்டுக்குத் திரும்பிக்கொண்டிருந்தார்.  மிகவும் களைப்பாக இருந்தது! வீட்டுக்குச் சென்றதும், ஊன்றுகோலை சுவரில் ஒரு மூலையில் சாய்த்து வைத்துவிட்டு, அப்படியே படுக்கையில் விழுந்து சிறிது ஓய்வெடுக்க வேண்டும் என்று திட்டமிட்டார் பேராசிரியர்.  இதோ! வீடு வந்துவிட்டது! நேராக படுக்கை அறைக்குச் சென்றவர் ஊன்று கோலைப் படுக்கையில் வைத்தார். பிறகு, அருகிலிருந்த சுவரில் அப்படியே சாய்ந்து நின்று, கண்களை மூடிக் கொண்டார்!  பேராசிரியரின் திட்டம் சரிதான்; ஆனால், அதை செயல்படுத்திய விதத்தில்தான் குழப்பம். அவர் படுக்க வேண்டிய இடத்தில் ஊன்றுகோல். ஊன்றுகோல் நிற்க வேண்டிய இடத்தில் பேராசிரியர்!  அப்போது, அந்த அறைக்கு வந்த பேராசிரியரின் மனைவி, சுவர் ஓரத்தில் கண் மூடி நிற்கும் கணவரைப் பார...

✍️ மயங்காதே மனமே - தென்கச்சி கோ சுவாமிநாதன் ‘என்னை எவரும் அசைக்க முடியாது’ என்று சவால் விடும் மனிதர்கள் ஏராளம்! ஆனால், இவர்களின் நிலை இறுதிவரை இப்படியே இருக்குமா?? ‘நம்மை, வேறு எவரோ ஒருவர் அசைத்துக்கொண்டு இருக்கிறார்!’ என்று எண்ணச் சொல்கிறது ஆன்மிகம். இந்த எண்ணமே அகந்தையைக் குறைக்க உதவுகிறது.  ஷ்மெல்னோ என்ற யூத மத குரு ஒருவர், அந்த ஊருக்கு வந்தார். இதையறிந்த ஊர் மக்கள் ஒன்று கூடினர்.  "நம்ம ஊருக்குப் புதுசா வந்திருக்கிற அந்த குருவை வரவேற்கணும். என்ன செய்யலாம்?" என்று கேட்டார் ஒருவர்.  "இன்று மாலை, அவருக்குப் பாராட்டு விழா நடத்துவோம்" என்றார் மற்றொருவர்.  அனைவரும் ஒப்புக்கொண்டனர். இதையடுத்து, குருவை நேரில் சந்தித்து தங்களது விருப்பத்தைத் தெரிவித்தனர். அவரும் சம்மதித்தார்.  அவ்வளவுதான்! அனைவரும் உற்சாகத்துடன் விழா ஏற்பாடுகளை கவனிக்க ஆரம்பித்தனர். அதே நேரம், அந்த குரு, ஓர் அறைக்குள் நுழைந்து கதவைச் சாத்திக்கொண்டார்.  சிலர், அவருக்காக வெளியே காத்திருந்தனர். அறைக்குள் இருந்து ஏதேதோ சத்தம் வந்துகொண்டு இருந்தது!  குரு, தனக்குத் தானே ஏதோ பேசுவது போல் இருந்தது....

  சீட்டு சாமியார் - தென்கச்சி கோ சுவாமிநாதன் "இவ்ளோ அவசரமா எங்கே போறே?" வேகமாக ஓடும் ஆசாமி ஒருவனை வழிமறித்துக் கேட்டார் நம்மவர்.  "சேதி தெரியாதா உங்களுக்கு? நம்ம ஊருக்குப் புதுசா சாமியார் ஒருத்தர் வந்திருக்கார். அவரைப் பார்க்கத்தான் எல்லோரும் போய்க்கிட்டிருக்கோம்." என்று மூச்சிரைக்கத் தெரிவித்தார் ஓடி வந்தவர்.  "அதுக்கு ஏன் இப்படி ஓடறீங்க?" "சீட்டு தீர்ந்துபோச்சுன்னா?"  "என்னது சீட்டா?"  "ஆமாம்! அந்த சாமியார் சீட்டு விற்கிறார். ஒரு சீட்டு 100 ரூபாய்! அதை வாங்கினா, இதுவரைக்கும் செஞ்ச பாவம்லாம் போயிடும். பேசறதுக்கு நேரமில்லே. ஓடி வா என் கூட."  இருவரும் ஊர் எல்லைக்கு ஓடினர். அங்கிருந்த ஒரு மண்டபத்தில், மக்கள் பெருந்திரளாகக் கூடியிருந்தனர். உள்ளே சாமியார், மளமளவென சீட்டுகளை விற்றுக்கொண்டு இருந்தார். கூட்டத்தில் முண்டியடித்து சீட்டு வாங்கியவர்கள், ‘அப்பாடா!’ என்ற நிம்மதியுடன் வெளியே வந்து கொண்டிருந்தனர்.  நம்மவரும் அடித்துப் பிடித்து உள்ளே புகுந்தார். "எனக்கு ரெண்டு சீட்டு கொடுங்க" என்று 200 ரூபாயை நீட்டியவர், சீட்டை வாங்...

 இது ஒரு பர்மீயக் கதை. பல்லாயிரம் ஆண்டுகளுக்கு முன்னால் , ஒரு நாள் பர்மாவிருக்கு அருகே பர்மிஸ்ட் என்ற தீவிலிருந்து மூன்று பேரை கட்டுமரக் காரர்கள் பிடித்து வந்து அரசவையில் நிறுத்தினார்கள். அந்த மூன்று பேரில் ஒரு பெண்ணும் இருக்க , அரசர் அவர்களை பார்த்துவிட்டு " இந்த மூன்று பேரும் என்ன குற்றம் செய்தனர்? " என்று கேட்டார்.  அமைச்சர் ," அரசே.. இதை முதலில் நிற்கிறானே அவன் மக்களின் பணத்தையும் பொருட்களையும் கொள்ளையடித்தவன் , இந்த பெண் ஒரு சூனியக்காரி, மக்களை பயமுறுத்தி அவர்களை ஏமாற்றி பணம் பிடுங்கினாள். இதோ இவன் சரியான குறும்புக்காரன். மக்களிடம் குறும்பு செய்து அவர்களிடம் சண்டை மூட்டி அதில் சந்தோசம் கான்கிறவன். " என்றார். இதைக் கேட்ட மன்னர், தன் நிதியமைச்சரை அழைத்து , “அமைச்சரே! நமது கஜானாவிலிருந்து ஆயிரம் பொற்காசுகளைஇந்த கொள்ளைக்காரனுக்கும், சூனியக்காரிக்கும் கொடுத்துவிடுங்கள்.. அவர்கள் இருவருக்கும் இருப்பிடம் மற்றும் அடிப்படை வசதிகளை ஏற்பாடு செய்யுங்கள். வறுமையால் இவர்கள் குற்றம் செய்தனர்.அந்த வறுமையை நாம் ஒழித்துவிட்டால் இவர்கள் இனி குற்றங்கள் செய்ய மாட்டார்கள்” என்றார் ...

🦇‘‘கனவில் கூட துரோகம் இழைக்க மாட்டார் என நட்பின் உறுதியைப் பற்றி கூறுவார்கள். இன்று அதெல்லாம் வெறும் கற்பனை. நம்பிக்கை துரோகம் செய்வது இயல்பாகி விட்டிருக்கிறது.  🦇மனசாட்சி உள்ளவர்கள்தான் துன்பப்படுகிறார்கள். துரோகத்தின் வரலாறு மிக நெடியது.   🦇ஒரு காட்டில் வாழும் விலங்குகளுக்கும், பறவைகளுக்கும் திடீரென ஒருநாள் காடு யாருக்குச் சொந்தம் என்கிற பிரச்சினை உருவானது.  🦇‘காலம் காலமாக மரங்களில் நாங்கள் கூடுகட்டி வாழ்கிறோம். அதனால் காடு எங்களுடையது’ என்றன பறவைகள் . 🦇விலங்குகளோ ‘இது நாங்கள் பிறந்த இடம். காட்டினை நம்பியே நாங்கள் வாழ்கிறோம். ஆகவே காடு எங்களுடையது!’ என்றன. இதனால் சண்டை உருவானது.  🦇ஒன்றையொன்று தாக்கிக் கொண்டன. பறவைகள் தங்கள் பக்கம் சண்டையிட வருமாறு வவ்வாலை அழைத்தன.  🦇 வெளவாலுக்கு அதில் விருப்பமில்லை. அது சுகமாக பழங்களைத் தின்றபடியே ‘எனக்கு கண் வலி. இல்லாவிட்டால் நிச்சயம் உங்களுக்காக சண்டைபோட வருவேன்’ என்றது.  🦇‘நன்றி நண்பனே..!’ என பறவைகள் விடைபெற்றன. சண்டையில் விலங்குகள் ஜெயிப்பது போன்ற சூழல் உருவானது.  🦇ஒருவேளை விலங்குகள் ஜெயித்துவிட்டா...

கொஞ்சியே எனைக்  கொன்றவள் ,  ஏனோ, கெஞ்சியே எனைப் புதைத்துவிட்டாள்.. மண்ணில் என்னையும்.. மனதில் அவள் காதலையும்.. வஞ்சி அவள்  எனை  மிஞ்சி போன பின்னே , எஞ்சிய உயிரின்  உளறல்கள் யாவும்  உடைந்து போன ஆடியாய் ,  அனைத்திலும்  அவள் பிம்பமே... **************************************** முகவரி தொலைத்த  முகிலினமாய்,  மனதில் மிதந்து  வரும் உன் நினைவுகள்,  தென்றலோடு சாராலாய்  சில நேரம்...  புயலோடு பெருமழையாய்  சில நேரம்...  அழகான ஆழமான உன்  அன்பின் ,  வலியையும்  வரமாக்கிக் கொண்டேன்.. ************************************************* விழித்தெழும் போதே  விழித்துக் கொள்ளும்  உன் நினைவுகள் கூட  மௌனித்து போனதில்  ஊமையாகி உறைந்து  உடைந்து போகிறேன்.  மரணம் கூட கொடிதல்ல  மனமே , உன் மௌனத்தின் முன்.. *********************************************** கனவிலும் நிஜத்திலும்  தவிர்த்து வந்த உன் முகம்  மூடிய இமைகளுக்குள்  முழுவதுமாய் நிறைந்திருக்க , இமை மூட மறுக்கிறேன்.  நா...

💞  காரிகை அவள்  காற்றிடம் கோபம் கொள்கிறாள்... என் சிகை  களைக்கிறதாம்.. காற்றுடன் ஓர்  உரிமைப் போர்.. பித்தனாகிப் போகிறேன்  உன் காதலில்..  நித்தம் என் சித்தம் மொத்தம்  நீயென ,  காதல் பித்தனாகி போகிறேன்.. ************************************************ என் மௌனங்களை  மொழிபெயர்க்க வந்த  மான் விழியாள்,  விழிமொழி யாவும்  வேதம் என்பேன்.. ************************************* காரிருளில் காற்றும் ​ களைத்துறங்க  நிலவோடு நானும் ​  வானோடு வின்மீனாய்  விழித்திருப்பேன்  உன் நினைவுகளோடு.. 

 💞 முரணுக்கு முன் மாதிரி என்னவள் கொதிக்கும் பனித்துளியை  கண்டதுண்டா எவரேனும்...  கண்டு கொண்டேன்  கண்மணி அவள்  கருவிழிகளுக்குள்....  முரணுக்கு முன்மாதிரி  என்னவள் என்றேன்,  முறைத்துக்கொண்டே  முன் வந்து நின்று  நானப்புன்னகை நல்கி ,  என்னை எனக்கே  நிருபித்துச் சென்றாள்..

❣️🥀 உன் அண்மை இல்லா அதிகாலையும்  உன் வாசமில்லா இரவுகளும் என் வசமான பின்னே...  எண்ணங்கள்  எழுத்தாகின.. காயங்கள் கவிதை ஆயின.. ஏக்கங்களும்  துக்கங்களும்  கண்களில்  வழிந்து காற்றில் கரைந்தன.. - தென்றல் G 

  முடிவிலா கவிதை எனக்கே எனக்கு என நான் எழுதிய என் முழு முதல் முடிவிலா கவிதை , என் காதல்.. பிழை நீக்கம் செய்யப்பட்ட காதல் கவிதை ஒன்றின், நீக்கப்பட்ட பிழையாய் நான்.. - தென்றல் G

❣️ காலம் சென்ற என் காதலியே ... அன்று, காற்றில் கலந்து வந்த  உன் காதலில் தொலைத்த  என் இயல்பைத் தேடி  தவித்த  மனதிற்கு  புரியவில்லை,  தொலைந்த இயல்பை தேடி,  இருக்கும் இதயத்தை  தொலைக்க நேருமென்று..  இதோ இன்று..  இயல்பை மீட்டு தந்து  இதயம் கொண்டு(று) சென்றாய்.. இரும்பாய இருந்தவனை  உருக்கி உண்ணில்  இளகச் செய்ததும் நீயே... இன்று மீண்டும்  என்னை இருகச் செய்து காற்றோடு கலந்தந்தும் நீயே...

💕 தண்டனை காற்றினில்  கவி புனையும்  உன் விரல்களுக்கு விடுமுறை அளிக்கவே  என் விரல்கள் கொண்டு  உன் விரல்களை  சிறை செய்கிறேன்.. விரல்களை  சிறை செய்தவனுக்கு  விழிச் சிறையில்  வினோத தண்டனை.. - தென்றல் . G 

 🥀 நங்கை அவள் மௌனம் நர்த்தனம் பல ஆடிய நங்கை உன் நயணங்களில் ... கவி பல பாடிய கண்மணி உன் உதடுகளில்.... உறைந்து உறவாடிடும்  மௌனம் போதும் மௌனமாய் என்னை மாய்த்துவிட... பிரிவைத் தேர்வு செய்து, பின் ஏன் இந்த கலக்கம்.. மெய்க்கோபம் கூட  பொய்த்து போகிறது,  நங்கை நின் நயணங்களில்  கலக்கங்கள்  காண்கையிலே... வலி தரும்  விழிகளுக்காக  கலங்குவதும் இந்த  காதலில் தான்... காதலில் பிரிவு , காதலர்களின் இயலாமை... காதல் தோல்வி இல்லை.. எனினும் உன் இயலாமை  என்னை வீழ்திவிட்டது.. அன்று  காதலில் வீழ்ந்தேன்.. இன்று.. இயலாமையில் விலகி  வீழ்கிறேன்..  - தென்றல் . G

ஒரு நாள் காட்டில் , மரக் கிளையில் அமர்ந்திருந்த குரங்கு ஒன்று, தற்செயலாக மரத்தின் கீழே கவனித்தது.  அங்கு, சிவப்பாக ஏதோ தெரிய , நன்றாக உற்றுப் பார்த்தது.  அது - குரங்குக்கு மிகவும் பிடித்த பழம்! உடனே, கிடுகிடுவென கீழே இறங்கி  வந்தது. ஆனால், அந்தப் பழம் ஒரு  சின்னக் கண்ணாடிக் குடுவைக்குள் இருந்தது. குரங்குக்கு ஆசை ஆபத்தை மறைத்து விட்டது.  குரங்கு, ஆர்வத்துடன் குடுவைக்குள் கையை விட்டு  உள்ளே இருந்த பழத்தைப் பிடித்துக்கொண்டு கையை வெளியே எடுக்க முயன்றது. முடியவில்லை!  கண்ணாடிக் குடுவையின் கழுத்து குறுகலாக இருக்க  பழத்தையும் சேர்த்து கையோடு எடுக்க முடியவில்லை. பழத்தை விட்டுவிட்டால், கை வெளியே வந்துவிடும். அனால் இது  அந்தக் குரங்குக்குத் தெரியவில்லை.  சரி, அதோடு விட்டதா? சற்று தூரத்தில் இன்னொரு குடுவை. அதன் உள்ளேயும் ஒரு பழம்! ஓடிச் சென்ற குரங்கு, இன்னொரு கையை அந்தக் குடுவைக்குள் விட , அந்தக் கையும் மாட்டிக் கொண்டது. இப்போது, குரங்கின் இரண்டு கரங்களிலும் குடுவை. அவற்றைச் சுமந்து கொண்டு ஓடவும் முடியவில்லை.  இந்த நேரத்தில், வேடன் ஒருவன் ஓடி ...

 👇 என் ஏகாந்த கவிதை நீ ஆயிரம் கனவுகளுக்கு  மத்தியில்  எனக்கே எனக்காய்  என்னுள் எழுந்த  ஏகாந்த கவிதை நீ. உன் ஓர விழிப் பார்வையிலே  எனைத் தடுமாறச் செய்து  என் தடம் மாற்றிய  என் அழகிய தடுமாற்றம் நீ.. என் தனிமையை  களாவாடிடும்  நின் நினைவுகளுக்கு  ஓய்வளிக்கவே உன்  அருகாமை வேண்டும் எனை  சுயநலவாதி என்கிறாய்.. என் சுயமே நீ எனில், இருந்துவிட்டு போகிறேன்  சுயநலவாதியாய்.. - தென்றல் . G

 💞 யார் நீ... என் கனவுகளை  கொள்ளைகொண்டாய்.. என் நினைவுகளில் நிரம்பி வழிந்தாய்.. என் பொழுதுகளை உறையச் செய்தாய்... என்னில் இருந்த என்னை  தொலைக்கச் செய்தாய்... என்னை தொலைத்து  தொலைந்தும் போனாய்.. யார் நீ... என்னை நானே  கேட்டுக் கொள்கிறேன்  யார் நீ...   பதில் சொல்ல தான்  நான் இல்லை...  வேறொரு இடத்தில் நீ நீயாய் இருக்க , என்னிடத்தில்  வெறும் கூடாய் நான்.. மீட்டெடுக்க நீயுமில்லை.. மீண்டு வர நானுமில்லை... - தென்றல் G

🐅  காட்டுப் பாதையில், காய்ந்த விறகுகளைத் தலையில் சுமந்தபடி வந்துகொண்டு இருந்தான் ஒருவன்.  வழியில், மரத்தடியில் நரி ஒன்று படுத்திருந்தது. அந்த நரிக்கு முன்னங்கால்கள் இரண்டுமே இல்லை. ஏதோ விபத்தில் கால்களை இழந்திருக்கும் போல!  "ஐயோ பாவம்! இந்த நரிக்கு இரண்டு கால்கள் இல்லையே. இதனால் உணவு தேட முடியாதே. கால் இல்லாத நரிக்கு இங்கு யார் உணவு தருவார்கள்?"  வாய்விட்டுப் புலம்பினான்.  "கவலை வேண்டாம். கடவுள் காப்பாற்றுவார்!" என்று சொல்லிவிட்டுப் போனார், அந்த வழியே சென்ற பெரியவர் ஒருவர்.  ‘எப்படிக் காப்பாற்றுவார்? அதையும் பார்ப்போமே’ என்று அங்கேயே நெடுநேரம் காத்திருந்தான்.  அப்போது, சிங்கம் ஒன்று மானை அடித்து இழுத்து வந்து அங்கு போட்டது. மானை பாதியளவே சாப்பிட்ட சிங்கம் மீதியை அங்கேயே போட்டுவிட்டுச் சென்றது.  இதைக் கண்ட நரி, மெள்ள நகர்ந்து சென்று அங்கே கிடந்த மிச்சசொச்ச மாமிசத்தை சாப்பிட்டது.  இவற்றைக் கண்கொட்டாமல் பார்த்துக்கொண்டு இருந்த ஆசாமி ஆச்சரியத்தில் ஆழ்ந்தான். ‘இரண்டு கால்களும் இல்லாத, வயசான நரிக்கே உணவு கொடுக்கும் இறைவன், தினமும் கோயிலுக்குச் சென...

🥀 இதழ்கள் உதிர்ந்த பின்னும்  காம்பு தாங்கி நிற்கும் செடிக்குத்  தெரியும் மலரும் மலர்கள்  உதிரக்கூடும் என்று.  எனினும் அவை மலர்வதை தவிர்ப்பதில்லை.. பிரித்து வைக்க எத்தனிக்கும்  காலமும் உன் காதலை  காதலிக்கும் படி காதலித்து விடு.. 

 🎭 கொற்றவைக் கூத்து - அகுதை குலத்தின் கதறல். பறம்பில் கொற்றவைக் கூத்து நான்கு ஆண்டுகளுக்கு ஒருமுறை மட்டுமே நடைபெறும்.  கபிலர் பறம்பு வந்தது முதல் அவருக்கு அனைத்துமே புதிராகவே இருந்தது.  கொற்றவைக் கூத்து பொதுவாக பாலை நிலத்துக்கு உரியது.அதை ஏன் இந்த குறிஞ்சி நில மக்கள்  நடத்துகிறார்கள்? என்பது தான் அவரது குழப்பமாக இருக்க அதை பாரியிடம் கேட்டார்.  “ பாலை... நிலத்தில் இல்லை. மனத்தில்..  மனம்  கொடும்பாலையாக வெடித்துக் கிடக்கையில்  கொற்றவை கூத்தை எங்கு  நடத்தினால் என்ன?”  பாரியின் பதிலில் கபிலர் திகைத்தார்.  “பறம்பில் நடக்கும் கொற்றவை கூத்து குறிஞ்சிக்கு மட்டும் உரியது  அன்று. ஐந்திணைக்கும் உரிய கூத்தாகும்.” என்றான் பாரி. “ மூவேந்தர்களால் அழிக்கப்பட்ட  எத்தனையோ குலங்களின் குருதி ஆறு பலநூறு ஆண்டு காலமாக இம்மண்ணில் வற்றாமல் ஓடிக்கொண்டிருக்கிறது. இன்னும் இன்னும் எத்தனையோ ஆதி  குலங்கள் அழிக்கப்பட்டு கொண்டுதான் இருக்கிறது.  அவர்களிடம் இருந்து தப்பி பிழைத்த பதினாறு குலங்கள், எங்கெங்கோ அலைந்து திரிந்து பின் பறம்பில் குடியேறின...

 🌼🏞️🌳🌾🌊🏜️ முடிவிலா பயணம் கார்த் தீ - யை கண்டது. கார்காலத்தின் நரந்தம் புல்வெளியில் முருகன் வள்ளியுடன் இருந்த காலத்தில் மழை இல்லா இரவுகளில் மின்னும் விண்மீன்களின் அழகை பார்த்துக்கொண்டே இருந்தான்.  நிலவு ஆறு புள்ளிகளை கொண்ட வளைந்து கிடந்த அந்த விண்மீண் கூட்டத்திற்குள் இருக்கையில் வியத்தகு ஒளி இணையாய் அவை விண்ணில் இருந்தன. அவ்விணை கூடியதும் மேகங்கள் ஒன்றுடன் ஒன்று கலந்து கொட்டும் மழையாக நிலம் நோக்கி பொழிந்தது.   இப்படியே அவர்களது நாட்கள் கடந்தது,  மழையின்றி மேகங்கள் இல்லா நள்ளிரவுகளில் முருகனின் கண்கள் அந்த ஆறு விண்மீன் கூட்டத்திலுருந்து விலகி பயணிக்கும் நிலவின் பாதையையே கண்டு கொண்டிருந்தன. மழை நின்ற ஒரு அதிகாலையில் , குகையிலிருந்து வெளி வந்த வள்ளி அங்கு பூத்துக் குலுங்கும் ஆறு இதழ்களோடு செவ்வொளி வீசும் செங்காத்தள் மலர்களை முருகனிடம் காட்டினாள். “இந்த மலர் அவ்விண்மீன் கூட்டத்தின் சுடர் போல் ஆறு இதழ்களைக் கொண்டுள்ளது” என்றாள். மலரின் இதழின் அடியில் இளம்பசுமை நிறத்திலும் , நடுவில் மஞ்சள் கலந்த வெண்மையிலும், மலரின் மேற்பகுதி இளஞ்சிவப்பாகவும் அதன் பூண்டும...

✍️ நரந்தம் புல்வெளியில் வள்ளியின் முருகன்.    வள்ளியை பின் தொடர்ந்த முருகன் அந்த பெரும் பாறைய திரும்ப அடுத்த கணம்  மெய்மறந்து நின்றான். பெருவட்ட வடிவில் மலைகள் சூழ்ந்திருக்க வான் உயர்ந்து நின்ற அடர்மரங்களைக் கொண்ட அந்த மலலையின் நடுவே பரந்து விரிந்திருந்த அந்நிலப்பரப்பு முழுதும்  நான்கடி உயரத்தில்  விளைந்து நின்றது அப்புல்வெளி. இமைக்காமல் பார்த்திருந்த  அதன் அழகு பார்க்க பார்க்க  பெருகிக்கொண்டே இருக்க அச்சூழலில் காற்றில் தவழ்ந்து வந்த அந்த மணம் அவனுள் மெல்லிய மயக்கத்தை கடத்தியது. “எத்தனை நேரம் பார்த்தாலும் இந்த அழகை விட்டு நம் பார்வை பிரியாது. ” என்றாள் வள்ளி.  வள்ளியின் குரல் கேட்டும் திரும்பாமலே முருகன் கேட்டான், “இந்த இடத்தில் எதோ ஒரு கண்டுகொள்ள இயலா மயக்கம் சூழ்கிறதே. இவ்விடத்தில் இருப்பது என்ன?” " இந்த புல்லின் பெயர் நரந்தம் , யாரையும் மாயக்கிவிடும் இதன் மணம் , கயக்காய அதிகரித்துக்கொண்டே போகும். கடலுக்குள் உள்ள உப்பு போல் இந்த நரந்தம் புல்வெளியில் நறுமணம் தேங்கி கிடக்கிறது. " என்று கூறிக்கொண்டே  முருகனின் கைப்பிடித்து அப்புல்வெளிக்குள் நு...